DILI--Mesmu ita akaba ka remata ona ita nia estudu iha nivel Sekundaria ka Universidade, tanba kunesimentu nebe maka ita iha ne’e seidauk bele fasilita ita, atu halo buat ruma ba ita nia moris, nune’e ita presiza tuir tan formasaun atu aumenta ita nia kapasidade.
“Hau hakarak tuir tan formsaun iha SEFOPE tanba Skill ou kapasidade nebe maka hau iha ne’e seidauk bele apoiu hau atu halo buat ruma iha hau nia moris lor-loron nian. Hau atu kontinua iha universidade maibe hau hakarak deskansa lai, tinan oin mak hau hakarak kontiua fali. Tanba ne’e, hau hakarak uza oportunidade ida ne’e atu tuir tan formasaun nebe maka SEFOPE oferse mai ita, tanba formasaun ne’e gratuita, la selu ho osan,” dehan Ana da Conseisaun husi Manatuto ba Business Timor, Tersa (15/02) iha edifisiu Sekretariu Estado Formacao Professional e Emprego (SEFOPE) Caikoli Dili.
Nia dehan formasaun nebe maka nia atu foti maka informatika (IT) tanba computer ne’e importante ba hau atu aprende. Karik aban bainra nia tama fali iha universidade wainhira nia halo caz ade trabalho ruma la difisil ona ba nia. Tanba nia iha ona kunesimentu konaba komputador.
Iha tempu hanesan Benjamin da Costa, nebe mai husi Ainaro nebe tuir rejista iha SEFOPE, nia informa katak, nia akaba estudu iha nivel Secundaria iha tinan 2007, maibe durante tinan hirak liu ba ne’e nia halimar deit iha uma tanba nia nunka rona informasaun katak SEFOPE ne’e fo formasaun gratuita ba juventude sira nebe maka hakarak atu tuir formasaun.“Informasaun ne’e hau foin rona husi Radio Timor Leste, katak agora daudaun ba maluk joventude sira nebe maka iha interese bele mai rejista agora. Formasaun nebe maka SEFOPE loke, iha area hanesan, Pedreiru, Karpinteiru, Hospitalidade, Informasaun Teknologia (IT) no kanalijasaun,”nia dehan.
Nia hatutan wainhira ita atu rejista tenki hasai uluk lai kartaun evidensia, depois maka rejistu no tuir tan tes. Kuandu tes liu maka ita sei bele mai tuir formasaun iha Senai Bekora, area nebe maka hau foti mak Karpinteiru, area ida ne’e hau gosta los tanba hau nia apa mos tukan entaun hau mos hakarak tuir hau nia apa.
Nia hatutan, tanba ita hare ba ita nia nasaun nebe maka sei nurak ne’e persija ema badain, kuandu ita timor oan badain barak ona ita la persija bolu tan badain husi rai liur tanba ita mos bele kaer rasik ona serbisu saida mak it abele kaer, dehan Benyamin. (E-10)
Sem comentários:
Enviar um comentário