Governu Australia Finansia Sertifikadu IV Grupu Formador GoTL

DILI – Governu Australia apoia instituisaun hirak iha governu atu oferese supervizaun, responsabilizasaun no transparénsia atu nune’e bele apoia dezenvolvimentu kapasidade funsionáriu públiku nune’e sira bele oferese servisu diak liu tan ba populasaun.

Public Sector Capacity Development Program (PSCDP), programa ida ho finansiamentu husi Governu Australia  patrosina kursu Sertifikadu IV ba Treinu no Avaliasaun ba funsionáriu Governu Timor-Leste nian husi ministériu oin-oin.  Objetivu husi programa ne’e atu prepara grupu formadóres profesionál no kualifikadu ne’ebé bele apoia no responde ho kompeténsia no profesionálizmu atu halao programa formasaun ba governu tomak.

Kursu Sertifikadu IV ba Treinu no Avaliasaun kobre kompeténsia nesesáriu ba partisipante sira hodi fó formasaun iha área serbisu oin-oin no atu halao avaliasaun bazeia ba kompeténsia iha kontestu barak, no sei fo ba potensial formador iha governu besik ema na’in 65.

Kursu ne’e Sentru Treinamentu Vokasional Juventude (STVJ) - Comoro maka sei hala’o, durante loron ruanulu (20). Kursu ne’e sei fó iha lian Tetun husi formadór Timoroan nai’n 3 ne’ebé hetan kualifikasaun no fiar husi Swinburne University of Technology, Melbourne, Australia.

 

Sertifikadu kursu nian ne’ebé kandidatu sira sei simu, hetan akreditasaun iha Australia no fó ba partisipante sira kualifikasaun internasionál formál ida husi Australia Swinburne University of Technology.  

Serimonia Graduasaun formál sei hala’o iha Sexta-feira loron 25 Fevereiru 2010 husi Sua Excelencia Sr. Arcangelo Leite, Ministru Administrasaun Estatal no Ordenamentu Territoriu, Sr. Darian Clark, AusAID nia Primeiru Sekretatiu, no Sra. Sharon Rice, Diretora Learning husi Swinburne University of Technology. Iha serimonia graduasaun ne’e participante na’in 18 sei simu Sertificadu Formal husi Swinburne University of Tecnology no partisipante na’in 26 sei simu uluk Seritifkadu Partisipasaun molok sei tuir teste avaliasaun husi Universidade. Grupu ba dala tolu sei komesa kursu iha Marsu 2011 no formasaun ne’e  sei fo ba funsionariu na’in 25.

Australia mak doadór bilaterál boot-liu ba Timor-Leste no apoiu programa iha setór barak inkluindu saúde, empregu, justisa, jestaun finansas públiku, edukasaun, bee moos no saneamentu ba area rurál no mos iha dezenvolvimentu setór públiku. Dezenvolvimentu kapasidade maka objetivu prinsipál ida husi Programa Asistensia Dezenvolvimentu Australia nian, ne’ebé fó ona formasaun ba ema na’in 10.000 resin no fo bolsa-estudu ba ema nain 270 resin.  Australia iha komitmentu naruk hodi fo  nafatin asistensia ba dezenvolvimentu Timor-Leste nian.(Komunikadu Imprensa)