Kazu Hasai Komunidade iha Kazerna Brimob Kuidadu Labarik Sira Labele Monu Ba Trauma

DILI- Comisaria Direitus Das Criansas (CDC) Adalgisa M. Ximenes hatete , katak situasaun nebe maka akontese iha Eis-Brimob, ida ne’e laos problema labarik sira, no laos mos problema tanba labarik, maibe tanba kesalagpahaman entre Guvernu ho ita nia maluk sira nebe maka hela iha bairo ida neba, no la afeta ba direitu labarik maibe ita tenke kuidadu labarik sira ne’e atu nune’e   labarik sira labele trauma. 

“Ita tenki hatene ni lalaok ne’e oinsa? Tanba iha neba laos hela labarik mesak maibe komunidade mak hela iha neba. Tanba tuir hau hatene katak sira sai iha neba tuir akordu ida nebe maka inan aman sira halo tiha ona ho governu atu nune’e sira sai husi fatin neba tanba fatin nebe maka refere fatin bem comum ninia. Nebe sira halo akordu ida tanba akordu nebe maka sira halo ne’e la han malu mak  afeta fali ba labarik sira,”dehan Adalgisa Ximenes, Segunda(14/02) ba Business Timor iha Ninia Gabinete Caikoli Dili.

Tuir Comisaria, bainhira labarik sira hetan trauma, labarik sira nia Inan Aman sira iha dever atu hato’o sira nia keisa ne’e ba iha Ministerio Solidariedade, atu nune’e sira husi Solidariedade bele tun lalais ba hare problema nebe akontese  ba labarik sira. Sira labele nonok deit, atu nune’e bele identifika porblema saida maka akontese ba labarik sira,atu nune’e bele lori labarik sira ne’e ba iha fatin nebe maka seguru no mamuk, dok husi problema nebe mak akontese.

Nia dehan, inisiu laos tanba labarik maibe afeta ona direitu ba labarik, neduni tenki lori fali ba iha Guvernu, labarik hira mak sai trauma, atu nune’e intrega fila fali ba iha Guvernu. Tanba iha solidariedade mos iha komisaun ida naran komisaun ba labarik. Tanba Ministeriu Solidadriedade iha responsavel tomak atu hare konaba kazu nebe maka akontese. Karik sira la ba eskola komisaun sei ba hare tanba saida! Tanba eskola maka lakohi simu sira ka? Tanba trauma maka sira la ba eskola, komisaun tenki ba hare. Kuandu komisaun hetan duni dadus katak problema trauma tanba eskola komisaun sei fo hatene no fo hanoin ba Solidariedade, sira husi sosial tenki hare  ba labarik sira e’e,

Karik tanba sira nia inan aman tanba kontra Guvernu maka la simu sira atu ba eskola  ne’e problema oin seluk ona, ida ne’e ami bele tun lalais ba iha baze, atu hare lalais konaba kazu hirak ne’e. Nebe agora ami husi komisaun seidauk bele halo buat id tanba ami seidauk hetan dadus husi husi labarik sira ne’e. (E-10)