JORNAL BUSINESS TIMOR -- MATADALAN BA DEZENVOLVIMENTU EKONOMIA

2 de março de 2011

Komunidade Delta I Ke’e Rai Kuak Hatama Fiu Telekom

DILI--- Komunidade Delta  I ke’e rai kuak hatama fiu telekomunikasaun atu sira iha fatin neba bele asesu ba internet no telefone fixu tamba antena ida husi Timor Telekom harii ona iha Manleuana.

            Vicente da Costa  hateten  ba Business Timor foin dadaun ne’e iha Delta I katak komunidade ke’e rai kuak atu hatama fiu ba ne’e komesa tinan 2008 to’o tinan 2010. Maibe besi no paralon nebe hatama fiu ba at tiha mak sira komesa ke’e fila fali rai kuak ne’e atu nune’e sira bele hatama fila fali fiu telekom nian ba.

            Programa ida ke’e rai kuak ne’e liu husi tenderizasaun nebe sira manan iha tinan 2008 no nafatin suporta husi Timor Telekom (TT ).Vicente hateten katak  ke’e rai kuak loron ida hetan $ 3.00 no konta metro ida selu $3.00 nune’e sira ke’e la to’o fulan maibe semana ida deit hotu ona. “Ami TT fo tenderrizasaun mai ami komunidade tenki to’o fulan ida, maibe  ne’e semana ida deit ne’e ami senti ladun diak ho programa ne’e,” Vicente dehan.

            Komunidade ke’e rai kuak ne’e hahu husi Delta I ba to’o Delta Dalan ba Eskola Canossiana nian. Nia hateten udan bo’ot durante ne’e sira halao servisu nafatin.
Nia dehan katak ho servisu ida ne’e nia bele susenta ninia familia. Nia esforsu maka’as, loron ida  nia ke’e rai kuak metro 80 to metro ne’ebe  loron ida nia bele hetan $80.00.

            Nune’e mos Mateus da Silva hanesan estudante  hateten ho servisu ida ne’e nia bele buka rasik osan hodi bele selu rasik sira nia eskola tamba nia eskola selu karun  ne’e dunik nia esforsua’an maka’as bele servisu .

            Nia hateten dader nia  ba eskola lokraik nia sai eskola nia  kontinua nafatin  nia servisu  no ke’e rai kuak ne’e  atu nune’e loron ida nia bele simu $ 3.00 ou $6.00 atu nune’e nia  tau hamutuk hodi selu nia eskola no hodi selu netik transporte  nian ba loron.“Se la servisu, osan laiha no lao ain deit ba eskola tanba seli transporte susar, nune’e kuandu ba terdi mestri sira haruka fila,” nia dehan. (E-4)

Sem comentários: