Lotaria Raspadinha Sei Habelar Nia Liras Ba Distritus

DILI - Germano da Silva  nudar asionista ba jogu lotaria Raspadinha  hateten katak  ho jogu lotaria Raspadinha  nebe maka governu  TL legaliza iha fulan kotuk no jogu ida ne’e fasil tanba jogu ida ne’e konhesidu iha  nasaun eropa kuaze ke iha ASEAN nebe fo vantazen boot  ba ema sira nebe maka halimar.

Nia informa katak agora dadauk sira seidauk bele halo jogu tanba kupon nebe maka sira dadauk uza  la dun kualidade, no sira sei troka mos ba surat tahan nebe maka sira uza tanba mihis halo ema bele hare kuandu nia hateke husi kotuk no kupon nebe tuan sira sei harahun  atu bele uza foun nebe maka sira perparadu. Alende atu troka ninia surat tahan  i sira mos sei loke iha distritu balun nebe maka iha potensia  boot ba iha ekonomia maka  hanesan iha Maliana, Baukau, no mos  Ermera.  

“Hau nudar Direktor ba Kompania ninian hato’o katak jogu ida ne’e ba publiku nebe  ami hakarak loke tenke harmonia  para ema hotu bele joga ho kontente la bele hetan problema  entre ami ho populasaun sira,” nia dehan ba Business Timor, Tersa (15/02).

Nia mos informa katak  lotaria raspadinha  loke 24 horas nia laran atu atende maluk sira, maibe agora dadauk hetan failansiu tekniku nebe sira mos fa’an limitadu atu nune’e sira bele  halo identifikasaun klaru, katak nomeru  nebe maka iha ninia kupon lakon sira  bele lori makina atu bele halo detekta, se nian maka kona  no nia sei foti kedas ninia premiu. 

Entertantu  iha fatin nebe  maka hanesan, Aleixo Da Silva Cobra  nebe  sai asionista ba  jogu  lotaria Raspadinha (Luz  Klarita) informa katak  jogu  Luz Klarita jogu ida nebe maka moris kleur ona iha  Timor laran nebe governu foin maka halo legalizasaun, maibe ba jogu ida nee  durante ne’e sira halao ho normal, tanba sira joga tuir dekretu lei nebe maka governu estabelese tiha ona.

Tuir nia katak fatin nebe seguru  atu nune’e bele loke jogu ida ne’e, tenki iha kamera, aihan  no mos uma atu nune’e bele fo seguru ba sira hotu. Nia mos hato’o katak  ba maluk sira nebe maka ba atu ba joga  labele hatama sasan kraot, li-liu ba armas de militar, tanba bele  ameasa maluk seluk nia vida. Tanba ne’e sira seidauk atu ba loke iha fatin bar-barak, tanba bazeia mos ba fatin atu nune’e bele fo seguru ba sira hotu maibe foin maka iha sira nia fatin Bidau Lecidere. 

Fatin nebe maka sira loke, nia dehan, tanba fatin nebe seguru maibe sira mos fo limitasaun ba ema nebe maka hakarak joga laos hanesan jogu illegal, atu ema bele tama arbiru. Maibe ida ne’e joga tenke ema diatas  tinan 17 ba leten no depois tenki hatais  sepatu, labele lanu. Sira mos fo limitasaun  ba  ema sira nebe maka atu ba joga katak kada ema ida ataka tenki standar $50,00. atu nune’e la bele halo kiak ema no mos bele selu se kuandu nia manan. Tanba realidade jogu illegal sira kadavez ema manan barak ema  la selu maka barak liu, tanba ne’e maka governu fo legalize. Nia hateten  Iha ninia fatin Hotel Luz Klarita,tersa feira 15/02.

“Ami atu ba loke iha fatin sira seluk  maibe tenki bazea  mos ba ema nia rendimentu ekonomia lor-loron nian, atu nune’e  labele hamate ema seluk nia vida ekonomia. Hanesan iha fatin nebe refere e ma ne’e ninia salairo ho $.100 maibe nia ba joga maka hotu tiha nia fila ba uma nia fen husu, nia dehan osan hotu tiha ona, tanba ba joga, ida ne’e ba efetu familiar,  tanba ne’e ami  atu ba loke iha fatin seluk  hare mos ba ninia efetu privadu no mos efetu social,” nia dehan. (E-3)