BAUCAU-Presidente Orgaun No. 8, Saturnino Da Costa Belo informa katak orsamentu hodi hari Museu David Alex Daitula iha suku Osoluga, Baucau, hamutuk US$90.000,00 nebe kompania husi Xina mak kaer. Museu David Alex ne’e oras ne’e atinji ona ba 75 %.
Osan $900.000,00 hodi harii museu ne’e, tuir Saturnino, kontribuisaun husi membru veteranu sira.“Museu ne’e hari iha loron 23 fulan maiu tinan 2003 to’o agora seidauk remata tamba ami sei halo kontribuisan mak hodi hari buat museu ida ne’e tamba to’o oras ami sei halo kontrubisaun hodi halo kontinuasaun tuir membro ida-idak iha 13 distritu,” Saturnino hatete.
Nia deklara katak tuir planu Museu David Alex sei remata, sei hamrik estatua David Alex nian iha leten maibe familia husi Komandante David Alex nian la autoriza hodi hari estatua iha museu leten. Sei tau kaisa kuadrado iha leten hanesan simbolu ba luta nain iha ailaran.
“Tuir planu ami sei tau David Alex nia patung maibe nia familia sira la autoriza. Tan ne’e ami sei tau deit kaisa kuadradu ida iha leten hodi hatudu signifika katak kaisa nebe uluk ami hodi tau dokumentus ruma iha laran hanesan resistensia klandistina nian iha vila ho ailaran,” Presidente nee informa tan.
“Banhira museu ne’e hotu sei tau bigrafia kona ba David Alex ho nia membru sira nebe mate ona no mos foto -foto luta nain sira nia nebe hasai iha situasaun difisil hodi ema bele hare tamba sai hanesan espesefiku ba memoria timor nian,” Saturnino hatete.
Alende foto, tuir Saturnino, sei tau mos sasan sira balun nebe oras ne’e sei iha hanesan magasen balun nebe oras ne’e sei iha, kilat musan no hanesan sasan sira nebe restu-restu sira nebe uluk uza iha funun laran hodi hasoru militar indonezia hanesan dokumentus importante relasaun kona ba timor nia dehan.
Tuir observasaun BT iha fatin museu katak museu refere hari ho luan 9 x10 maibe hari husi fundasi to’o iha nia leten uza total marmer maibe to’o oras ne’e sidauk remata. (R3)
Sem comentários:
Enviar um comentário