JORNAL BUSINESS TIMOR -- MATADALAN BA DEZENVOLVIMENTU EKONOMIA

2 de março de 2011

Komunidade Samalari 90% Asesu Bee-moos

Baucau-Xefe Suku Samalari Rui Sequeira Magno hatete komunidade Samalari kuaze 90%  mak hetan ona bee-moos  iha suku refere.

“Benifisiu bee-moos iha ami nia suku komunitariu marioria 90%. Quer dizer que (Ne’e katak) ami komunidade mota sorin sira asesu hotu ida ne’e. Bainhira sira mai atu  ba sidade sira bele fase an hodi hemu ou uza ba moris loro-loron,” informa Rui ba Business Timor iha iha nia knar fatin Domingo semana liuba.

Xefe suku Samalari hatete  tan katak komunidade nebe seidauk hetan bee moos tuir  planu nebe iha  katak atu rahabilita kombua ba komunidade iha mota sorin  Samalari sei hetan duni bee moo iha tinan ne’e.
“Bee nebe husi mota sorin mai ne’e  kanalizasun bee moos husi suku Uailili nia duransaun fulan tolu no  oras ne’e samalarioan duni mak kaer nebe iha ona planu ba 100% maibe sidauk hetan rezultado sira iha manutensaun fulan tolu nia karik bee ne’e sei iha difikuldade ruma  hanesan kanu kotu, tanki fera sira halo manutensaun  hodi responde problema nebe  sira halo negosiasi ho governu,”dehan Rui.

Nia mos salenta tan katak dezafiu tomak nebe kompania hetan mak  hodi halo instalasaun ba kanu sira iha  komunidade sira iha suku ninia tenke  lori tempo uituan tamba mudansa klimatika.
“Kompania asesu ba buat nebe sesertao ba sira  tamba mudansa klimatika. Kompania hakarak lalais maibe mudansa klimatika sasan sira nebe uza  kada vez sira halo para uitoan  ho inisiativa rasik nudar kompania nebe moris hanesan samalarioan sira,” Rui hatete.

“Sira hatudu sentidu nasionalismu projetu ne’e halo duni ba 100%, maibe kualidade projetu hau sidauk garante tamba ida ne’e seidauk fo mai  hau katak sira hakarak rekolha sira nia servisu no hau mos iha tanda interogativo tamba  sempre iha  nia kualidade diak no ladiak,” dehan Rui nudar xefe suku Samalari.

Nia haree katak kanu nebe  kompania sira  halao la tuir BOQ  tamba kanu namlele hela iha rai leten.“Sira halo la tuir BOQ katak hakoi kano 50 cm ba  rai maibe dadauk ne’e ita hare namlele hela iha rai leten. Ida ne’e primeiru vez ita hateten katak kualidade  ba ita susar teb-tebes tamba ba futuru komunidade sira nebe iha kuda, karau bele ultra pasa  bele halo kanu sira ne’e bele tohar no hodi estraga iha future,” Rui hatete.

“Ida ne’e fortalia sira mak lakohi hakoi kanu tamba iha BOQ laran hatudu  duni katak hakoi duni kadavez sira hare ba medan nebe ke sira hasoru ba ekipamentus dok buat sira ne’e hotu uza sira nia pengalaman katak ida ne’e sei metin maibe tuir ema matenek sira nia hare katak ida ne’e labele fo benificio diak ba future nebe ke mai” informa nia  .

Nia mos infroma katak total familia iha Samalari laran hamutuk uma kain 916 no total populasaun hamutuk nain 3115. Suku Samalari fahe ba parte rua mak hanesan Samalari Mota-sorin no Samalari suku tamba bee nebe iha atende  ba komunidade sira hotu no mos benifisiu ba sira tomak.(R3)

Sem comentários: