LABEH Sei Hakilar Nafatin Ba Nafatin

DILI- Lalenok Ba Ema Hotu (LABEH) halo planu  stratejiku iha tinan hirak oin mai,  sei perpara’an  ho diak  iha tinan ida ne’e  para oinsa atu infrenta, saida maka  sira atu halo monitorizasaun iha baze, bele hametin fiar ba iha instituisaun no oinsa atu bele promove boa governsaun ida ne’e, oinsa bele halo monitorizasaun ba orsamentu jeral du estadu. 

“LABEH sei hakilar enkuandu  estrada kuak governu taka ona, LABEH sei hakilar  enkuandu  uma sira ne’e governu hadia hotu ona. Ida ne’e maka LABEH nia serbisu oinsa atu halo monitorizasaun,” dehan diretur LABEH  Cristopher Henry Samson iha salaun LABEH wainhira  halao sorumutu  hamutuk ho PDHJ, KAK, no MOS  Tranparancy Internasional nebe partisipa Ran Liao nudar Kordinador senior programa  The Global Coalition Against Corruption, Kuarta (16/02).  

Nia dehan, LABEH mos serbisu hamutuk ONG internasional sira  para oinsa atu hare  politika internal Governu Timor Leste nian iha  futuru oin mai. Tanba iha orsamentu Jeral do Estadu iha tinan ida ne’e governu foin maka  aprova  orsamentu nebe boot, sira mos halo koaligasaun hamutuk ho Komisaun Anti Korupsaun (KAK) no mos Providor Direitus  Humanus e Justisa (PDHJ) para oinsa atu serbisu hamutuk  oinsa atu luta ba korupsaun.

“Hau  hakarak hatete deit katak planu ba oin nebe ami seidauk  hatete klaru maibe hau fiar katak planu ne’e ami atu prepara’an halo diak liu tan atu infrenta saida maka ami nia funsionariu sira hasoru iha baze. Ami hakarak monitoriza orsamentu jeral du estadun nian, kaharak hare mos oinsa bele promove boa governasaun  iha rai ida ne’e no oinsa LABEH  tenki sai lalenok ba ema hotu,”nia dehan. 

Tuir nia katak sira sei mantein, liu-liu ba planu internalmentu ba ninia funsonariu rasik oinsa atu tun iha baze. Aende ninia fungsionariu, sira mos sei planu katak tenki halo kontinuasaun  ba orsamentu geral du estadu nebe iha, I sira mos sei hare ba partidu poliku, tanba durante ne’e parlamentu sempre aprova  orsamentu  ba partidu politiku sira maibe politika nebe maka halao iha Timor Leste ne’e la dun refleta. 

Tanba ne’e LABEH hakarak halo monitorizasaun katak osan sira ne’e fo duni benefisia ba povu ka lae. Depois  LABEH mos sei mantein nafatin ninia advokasia  iha area koalia iha radio, iha jornal atu nune’e bele fo sai ba populasaun sira katak  hahalok korupsaun ninia impaktu ne’e saida. Tanba ne’e LABEH hakarak mantein nafatin ninia posizaun ida ne’e, hanesan halo kampania iha distritu hotu-hotu hodi nune’e ema bele hatene katak korupsaun ne’e buat aat. 

LABEH mos  halo kolabora hamutuk hoHo Komisaun Anti Korupsaun (KAK) maibe sira mos halo monitorizasaun ba KAK rasik, maske sira  serbisu hamutuk, hanesan sira nia monitorizasaun ba  KAK ninia sebisu katak to’o iha nebe ona. Alende  sira halo kolaborasaun  nebe  sira monitorizasaun iha intituisaun sira ne’e  no sira kritika katak  la diak, oinsa para atu muda.

“Ami nia  serbisu hamutuk ho institisaun sira  seluk  nebe ami halo monitorizasaun ba malu  depois  kritika  ba malu. Problema kritika ba malu ne’e normal tanba  iha instituisaun  nebe independent tenki kritika ba malu para bele hadia, o suporta  ba malu,” nia dehan. (E-3)