Ida ne’e bele dehan produsaun rai laran nian nebe uniku tanba foin ida ne’e de’it mak estabelese
iha rai laran. Projetune’e hetan suporta husi United Nations Industrial Development Organization (UNIDO), IV Governu Konstitusionalliu husi Ministeriu Ekonomia Dezenvolmentu hari Centru Bambu Timor-Leste (CBTL) iha Tibar.
Diretor CBTL Sabino Rua nebe Business Timor hasoru nia Kuarta semana kotuk esplika katak loloos ne’e industria au ne’e atu establese ona iha 2005 tempu governu anterior nian. Iha tempu neba kedas UNIDO ajuda makina ba prosesamentu au hodi halo produsaun variedade oioin.
“Maibe iha tempu neba ladun iha atensaun husi governu anterior no tama ba krize 2006 sentru ne’e hamutuk
ho nia ekipamentu abondona hela. Ami konsege salva maski fatin ne’e uluk sai mos fatin ba refujiadu krize 2006 nian,” katak Sabino informa.
To’o iha 2007, bainhira governu foun ka atual agora forma, Ministeriu Ekonomia no Dezenvolvimentu hola inisiativa hahu fali projetu ne’e hodi instala makina sira suporta husi UNIDO ne’e no rehabilita edifisiu ba CBTL.
Governu tau CBTL nudar parte ida husi ministeriu ekonomia no dezenvolvimentu nian. Iha posibilidade atu aban-bainrua bele sai empreza publiku (usaha milik negara).
Atividade operasional CBTL hahu iha 2008 ho nia estratejia ba produsaun massal au kabelak. Maski hasoru problema durante halao projetu ne’e, neneik CBTL bele moris to’o ohin loron nudar sentru ida nebe produs produtu kualidade husi material au.
Tuir Sabino, atu haforsa liutan CBTL, iha 2009, governu liu husi MED aloka orsamentu hamutuk $150,000 (Dollar Amerikanu Rihun Atus Ida Limanulu) no iha orsamentu jeral estadu nian tinan 2010 governu aloka osan $210.000 (Dollar Amerikanu Rihun Atus Rua Sanulu).
Produtu final mak au-kabelak, katak prosesa au ne’e sai fali hanesan ai-kabelak ho medida oioin hanesan 3 x 60 cm, 3 x 40, 3 x 30. Husi au kabelak ne’e kria mobiliariu sira hanesan meza no kadeira ho vaiedade oioin, sasan artezenatu sira hanesan gorden, vas aifunan fatin, halo binkai foto, buli (jaru), kopu ki’ik no seluk tan hanesan paulitu ka kesak sukit nehan nian. Teknikamente sira kria mos meza ho kadeira nebe bele hikas (lipat), nune’e fasil atu lori muda husi fatin ida ba fatin ida.
Au sira ba produsaun au kabelak mai husi distritu tolu nebe besik hanesan Ermera, Likisa, no Aileu. Tipu au nebe CBTL uza mak au betun (Latina: decalamus asper). Babain sira hili au nebe tuan minimu tinan lima ba leten. Kada au ho medida 2,60 m (metro rua liu sentimu neennulu) hola ho folin $1,00 (dollar ida). Ne’e duni industria bambu ne’e sustentavel nafatin nebe fo benefisiu ba parte rua hotu. Tantu ba agrikultor au nian no mos ba CBTL rasik.
Ho empregadu nain 21 (19 kontratadu no 2 adisional/ harian) CBTL produs sasan nebe kualidade as ba eksporta nian.
Maski kualidade aas, ninia kuantidade sei ki’ik, produtu hirak ne’e to’o ohin loron sei fa’an de’it iha Dili laran. Ema ka instituisaun sira nebe sosa produtu ne’e hanesan departementu governu nian no kompañia sira balu iha Dili laran. Kompañia nebe sosa mobiliariu ba eskritoriu tomak mak kompañia Digisel no mos Asian Development Bank (ADB), no mos embaixada balu.
“Ami agradese tebes tanba Digisel sosa barak hodi tau iha sira nia kantor,” katak Sabino apresia. Parte governu nian nebe produtu husi sentru ne’e barak liu mak MED rasik nudar salurik ba CBTL. Ho nune’e CBTL mos iha reseitas husi sasan nebe sira produs ona.
Difikuldade ba merkadoria mak transporte. Tuir Sabino, sira tenke aluga kareta hodi ba tula au iha fatin
sira nebe iha au. Nune’e mos produtu sira nebe prontu ona atu fa’an tenke buka aluga kareta.
Iha proposta MED ba orsamentu jeral estadu nian tinan 2010, husu atu aloka osan ba sosa kamioneta ida maibe konsellu ministru rejeita proposta ne’e ho razaun CBTL sei iha governu nia okos, seidauk sai empreza publiku.
Alende sosa au husi komunidade agrikultor sira, CBTL mos iha projetu bibeirus no plantasaun au nebe estabelese iha fatin lima: Likisa, Bazartete, Fahiten, no CBTL Tibar rasik no Aileu. CBTL mos iha ona planu plantasaun au ba fatin lima tan iha Aileu. Iha fatin hirak ne’e CBTL serbisu hamutuk ho komunidade sira. Komunidade sira halo grupu kuda au nian nebe fasilita husi CBTL ho ekipamentu, manutensaun, aimoruk no bibeirus au oan.
(arj)
iha rai laran. Projetune’e hetan suporta husi United Nations Industrial Development Organization (UNIDO), IV Governu Konstitusionalliu husi Ministeriu Ekonomia Dezenvolmentu hari Centru Bambu Timor-Leste (CBTL) iha Tibar.
Diretor CBTL Sabino Rua nebe Business Timor hasoru nia Kuarta semana kotuk esplika katak loloos ne’e industria au ne’e atu establese ona iha 2005 tempu governu anterior nian. Iha tempu neba kedas UNIDO ajuda makina ba prosesamentu au hodi halo produsaun variedade oioin.
“Maibe iha tempu neba ladun iha atensaun husi governu anterior no tama ba krize 2006 sentru ne’e hamutuk
ho nia ekipamentu abondona hela. Ami konsege salva maski fatin ne’e uluk sai mos fatin ba refujiadu krize 2006 nian,” katak Sabino informa.
To’o iha 2007, bainhira governu foun ka atual agora forma, Ministeriu Ekonomia no Dezenvolvimentu hola inisiativa hahu fali projetu ne’e hodi instala makina sira suporta husi UNIDO ne’e no rehabilita edifisiu ba CBTL.
Governu tau CBTL nudar parte ida husi ministeriu ekonomia no dezenvolvimentu nian. Iha posibilidade atu aban-bainrua bele sai empreza publiku (usaha milik negara).
Atividade operasional CBTL hahu iha 2008 ho nia estratejia ba produsaun massal au kabelak. Maski hasoru problema durante halao projetu ne’e, neneik CBTL bele moris to’o ohin loron nudar sentru ida nebe produs produtu kualidade husi material au.
Tuir Sabino, atu haforsa liutan CBTL, iha 2009, governu liu husi MED aloka orsamentu hamutuk $150,000 (Dollar Amerikanu Rihun Atus Ida Limanulu) no iha orsamentu jeral estadu nian tinan 2010 governu aloka osan $210.000 (Dollar Amerikanu Rihun Atus Rua Sanulu).
Produtu final mak au-kabelak, katak prosesa au ne’e sai fali hanesan ai-kabelak ho medida oioin hanesan 3 x 60 cm, 3 x 40, 3 x 30. Husi au kabelak ne’e kria mobiliariu sira hanesan meza no kadeira ho vaiedade oioin, sasan artezenatu sira hanesan gorden, vas aifunan fatin, halo binkai foto, buli (jaru), kopu ki’ik no seluk tan hanesan paulitu ka kesak sukit nehan nian. Teknikamente sira kria mos meza ho kadeira nebe bele hikas (lipat), nune’e fasil atu lori muda husi fatin ida ba fatin ida.
Au sira ba produsaun au kabelak mai husi distritu tolu nebe besik hanesan Ermera, Likisa, no Aileu. Tipu au nebe CBTL uza mak au betun (Latina: decalamus asper). Babain sira hili au nebe tuan minimu tinan lima ba leten. Kada au ho medida 2,60 m (metro rua liu sentimu neennulu) hola ho folin $1,00 (dollar ida). Ne’e duni industria bambu ne’e sustentavel nafatin nebe fo benefisiu ba parte rua hotu. Tantu ba agrikultor au nian no mos ba CBTL rasik.
Ho empregadu nain 21 (19 kontratadu no 2 adisional/ harian) CBTL produs sasan nebe kualidade as ba eksporta nian.
Maski kualidade aas, ninia kuantidade sei ki’ik, produtu hirak ne’e to’o ohin loron sei fa’an de’it iha Dili laran. Ema ka instituisaun sira nebe sosa produtu ne’e hanesan departementu governu nian no kompañia sira balu iha Dili laran. Kompañia nebe sosa mobiliariu ba eskritoriu tomak mak kompañia Digisel no mos Asian Development Bank (ADB), no mos embaixada balu.
“Ami agradese tebes tanba Digisel sosa barak hodi tau iha sira nia kantor,” katak Sabino apresia. Parte governu nian nebe produtu husi sentru ne’e barak liu mak MED rasik nudar salurik ba CBTL. Ho nune’e CBTL mos iha reseitas husi sasan nebe sira produs ona.
Difikuldade ba merkadoria mak transporte. Tuir Sabino, sira tenke aluga kareta hodi ba tula au iha fatin
sira nebe iha au. Nune’e mos produtu sira nebe prontu ona atu fa’an tenke buka aluga kareta.
Iha proposta MED ba orsamentu jeral estadu nian tinan 2010, husu atu aloka osan ba sosa kamioneta ida maibe konsellu ministru rejeita proposta ne’e ho razaun CBTL sei iha governu nia okos, seidauk sai empreza publiku.
Alende sosa au husi komunidade agrikultor sira, CBTL mos iha projetu bibeirus no plantasaun au nebe estabelese iha fatin lima: Likisa, Bazartete, Fahiten, no CBTL Tibar rasik no Aileu. CBTL mos iha ona planu plantasaun au ba fatin lima tan iha Aileu. Iha fatin hirak ne’e CBTL serbisu hamutuk ho komunidade sira. Komunidade sira halo grupu kuda au nian nebe fasilita husi CBTL ho ekipamentu, manutensaun, aimoruk no bibeirus au oan.
(arj)
Sem comentários:
Enviar um comentário