Artezenatu Au Nudar Kampu Servisu
Rai Timor Lorosa’e riku ho au. Au nudar aihoris ida nebe diak atu halo artezenatu oioin. It abele utilize au husi abut to’o nia tahan. Ninia lolon nebe bele habeok maibe forti, halo au sai material ba produsaun sasan sira hanesan meza, kadeira, halo uma no seluk tan.
Maski au nia benefisiu nee barak maibe ita seidauk utiliza didiak au iha ita nia rai. Barak liu ita uza au ba halo uma no halo lutu deit. Artezenatu ho material au loloos hahu ona iha sentru treinamentu industria Tibar.
Presiza kreatividade atu artezenatu husi au ne’e bele atria ema barak atu utiliza. Ita presiza hasa’e ita nia kapasidade atu nune’e produtu nebe ita hamoris iha duni kualidade.
Dala ida tan katak ita nia rai Timor Lorosa’e husi Ambenu to’o ba Lautem soi duni au. Ne’e duni diak ba ita liuliu foinsa’e sira nebe susar hetan kampu servisu atu bele fihir mos alternativa halo artezenatu husi au ne’e nudar prospek ida diak iha futuru. Ita nia maluk nasaun vizinu sira hanesan Indonezia no Vietnam kleur ona hahu utiliza au sai produtu lokal nebe interesante.
Maibe, halo au sai artezenatu nebe interesante konserteza presiza skil ketak ida.(*)
Sem comentários:
Enviar um comentário