DILI – Konsellu Ministru aprova proposta lei kona-ba investimentu privadu hodi estabelese kuadru legal ba investimentu iha Timor Leste.
Sekretariu Estadu Konseilu Ministru HermenegildoAgio Perreira informa, lejizlasaun ida ne’e atu estabelese kuadru legál ba fatin investimentu ho prosesiamentu simples no atendimentu ida deit. Alende ne’e, nia esplika, define direituno garantia báziku hotu-hotu ba investidór nasional no internasioanl husi setór hotu-hotu.
Sistema ne’ebe preve ona no insentivu obedese ba eskalonamentu ida iha área jeográfika investimentu nian, nune’e atu favorese dezenvolvimentu ekonómiku iha Zona Rejionál Espesiál ne’ebe define ona hosi lei ne’e.
Lei ne’e mos preve atu harii agencia espesializada bai, hodi hatutan hala’o kna’ar no kompeténsia hirak Institutu Promosaun Investimentu Esternu no Esportasaun nian.
Hakarak halo revizaun lejizlativa ida ne’e, nia dehan,liu-liu atu sai hanesan promotór ba investimentu privadu hosi pesóa singulár ka koletiva estranjeira, nune’e mós ba investidór lokál sira iha rai laran ka hela iha estranjeiru nebe hakarak kontribui ho sira nia rekursu iha TL.
“Bele hateten katak, atu halo Lei ida ne’e, simu mós hanoin husi reprezentante investidór nasionál no estranjeiru sira, asessór no peritu nasionál no internasionál sira, nune’e mós funsionáriu no dirijente sira Administrasaun Públika nian,” katak Agio liu husi komunikadu nebe Timor Post asesu, horseik.
Iha reuniuan KM ne’e, Agio hatutan, aprova dekretu lei estatutu Ajénsia Espesializada Investimentu nian ne’ebe hanaran “InvesteTimor-Leste”.
Ida ne’e, nia dehan, sai nudar responsavel unika ba promosaun investimentu privadu no esportasaun iha nasaun.
Tuir nia ajénsia ne’e sei sai nudar pontu atendimentu uniku husi ninvestidór privadu sira hodi sentraliza prosedimentu administrativu uniforme iha asesu ba benefísiu no insentivu nebe hatur iha Lei Investimentu Privadu.
KM mos halo analiza diploma nebe halibur prosedimentu investimentu privadu oioin husi Ajénsia Espesializada Investimentu nian atu tau iha prátika hodi halao ninia atividade.
Nia dehan, prosedimentu administrativu nebe preve iha dokumentu ida ne’e hakarak sai simples, transparente
no lalais hodi permite artikulasaun nebe presija ho intidade publika oioin nebe involve iha aprovasaun ba kualkér projetu investimentu no re-investimentu iha TL.
Sem comentários:
Enviar um comentário