DILI- East Timor Petroleum Engineering Forum (ETPEF) halo vizita ida ba kompañia Blue Water, Sub Kontrator Eni Timor Leste nebe sei halao atividade produsaun minarai iha Kampu Kitan iha JPDA hodi koalia konaba asunru mina nos gas nian. “Iha vizita ne’e parte rua kolia konaba labour issue for oil and gas industry, komitmentu Blue Water ba local content, ETPEF Award 2011, Capacity Building Program, future konaba ETPEF Corporate Membership, Kooperasaun ETPEF nebe diak ho Estadu,Governu,ba Oil Service Companies, Academia no seluk tan iha nasional no internasional,” hatete presidente ETPEF Aquilis Salvador liu husi karta komunikadu ne’ebe joranal ne’e hetan.
Iha vizita ne’e ETPEF mos konvida In Country representative Blue Water atu sai observador iha Workshop nebe ETPEF sei organiza iha loron 16 Jullu 2011 hodi kolia konaba Oil and Gas Employment Opportunities.
Vizita refere halao iha loron Segunda feira, 6 Junu 2011, oras tuku 9 to’o 11. Tuir nia ajenda kada fulan 4 vizita komponetu industria petroleum no gas iha nasional no internasioal ho objetivu nebe hanesan iha vizita ba Blue Water.
Presidente ETPEF iha intervensaun mak kontinua sosializa ka introduz ETPEF vizaun no misaun, planu de asaun ka programa ETPEF durante nee, husu apoiu moral no logistika nebe presiza. Iha biban hanesan nia mos akresenta tan katak ETPEF hanesan orgnizasaun lobby nebe independente, naun partidariu no sai ponte nebe liga ba komponentu industria petroleu no gas ba Timor Leste.
Hafoin rona intervensaun Presiente ETPEF, Sandra Carrascalao husi Blu Water hatete nia parte sente orgullu no hakarak atu koopera ETPEF iha futuru bazeia ba planu no programa tuir sira nia kapasidade no manajementu kumpania refere, kumpania nebe nia kontrata nia no komponentu relevante iha Timor Leste.
Delegasaun ETPEF ba biban nee lidera rasik husi Presidente ETPEF, Aquiles Salvador Guterres, no hetan akompana husi Asistente Adjuntu Relasaun Publika, Aurelio Almeida Marques, Komisariu Treinamentu no Empregu Samuely de Araujo, Country Representative ETPEF ba Australia Carlos Martins no Koordenador EDSC Salustiano Fraga. Vizita nee rasik simu husi S.E. Sandra Carrascalao, In Country Representative Blue Water iha Timor Leste iha Office Blue Water nebe lokaliza iha Sagres Garden Praia dos Coqueiros Comoro Dili.(Kom.imprensa)
Sem comentários:
Enviar um comentário