DILI—Premeriu Ministru Xanana Gusmão hatete katak Timor Leste (TL) lalika preukupa demais ho ajudus Mileniun Challenge Corporation(MCC) tanba nasun Timor Leste mos nasun nebe ukun-an ona
“Ita lalika preukupa demais ho MCC, ita prekupa ho ita nia ukun an ho sistema nebe ita halao daudauk iha prosesu sosial polítiku iha fatin hotu hotu no ita mos iha osan atu halao presese ruma iha ita nia rai laran,” dehan Xanana.
“Hau iha 1919 –2001 hau deskute oituan ho orsamentu husi komunidade internasional nebe mai fo tulun boot ba ita. Ne’e duni hau rekuinse no hakruuk ba sira duni,” dehan Xefe governu ne’e liu husi sorumotu loron ida ho Administrador Distrito no Sub-distrito iha salaun delta Nova Komoro, Tersa (1/6) foin lalis ne’e..
Xanana haktuir foin dadauk iha dialogu internasional iha Mercado Municipal Centru konvensoens ba ita, ita fo hatene ba komunidade internasional katak rai nebe hanesan ita foin hahu ita mak joven liu. Rai barak hanesan ita no kondisoens hanesan ita ukun-an tinan 50 no 60 ona pedronijasaun susar inpoin. Sira sukat tuir saida mak sira halo iha sira nia fatin neba sira nia rai nebe ukun-an metin demokrasia makas.
Tanba ida ne’e mak ita lalika preukupa ho MCC, se sira fo welcome, husu deit mak sira fo karik $100.000 laos dehan ita simu $5000 no $95.000 ne’e ba consultan projek manajr no buat sira ne’e hotu. Ne’ebe, ita konfía ita nia an, fiar ita nia anno esforsu atu halo buat nebe ita bele halo ne’e. Hau avija kedan lae ita bele konfuni buat sira ne’e hotu.
Entretantu liu husi karta komunikadu nebe Business Timor hetan, Tersa (1/6) hatete katak MCC aprova no fo osan milaun 10.5 ba Timor Leste hodi hadia Imunizasaun ba labarik sira no luta kontra korupsaun. Osan ne’e aprova tanba bazeia ba proposta Timor Leste nian nebe atu fo ajudus ba Imunizasaun ba labarik no konbate korupsaun iha timor Leste dehan Xefe ezekutivo MCC Daniel yohanes liu husi karta ne’e.
Liu husi okaziaun ne,e mos xefe governu ne’e rekuinese mos katak implementasaun Projetu Pakote Referendun (PPR) iha parte balun lao ladun diak.
“Pakote referendum buat balun lao la duun diak hau rekuinese, hau simu responsabilidade ida ne’e tanba nudar xefe governu,” dehan Xanana Gusmão, “maibe hau tenke louva kompanias lubuk ida nebe halo diak tebes, hau tenki louva konpanias barak nebe esforsuan halo kompleto.”
Xanana sublinha buat sira ne’e hotu hatudu katak ita nia problema sosio politiku ba mos ekonomia ijiji ita hotu iha Timor laran ne’e bele fo konfiansa ba malu no fiar malu.
La iha buat ida iha mundu mak perfetu, iha komunidade internasional ita hare foin dadaauk estasaun ekonomia mundial ne’e mos hatudu katak rai boot sira nebe kaer ekonomía mundu nian mos la perfetu. “Ita sortre tanba ita nia economía seidauk diak no ita nia ekonomía sei gerobak hela dehan nia.
Partisipa iha sorumutu ne’e mak administrador distritu no sub distritu, minsteriu Administrasaun Estatal no Ordenamentu Teritorio Arcangelo Leite,Vice Ministra Saude Madalena Hanjam, Diretor Jeral Ministra Financas do Estadu Francisco Borulaku, representante Aecop huso distrito no partisipante seluk-seluk tan.
(Joanico D Guterres)
Sem comentários:
Enviar um comentário